dimecres, 27 de desembre del 2006

Las seradas son totjorn capitadas

Per festejar las vacanças, decidissèm de faire un repais de Nadal que cadun i pòrta un kikonet.

Un portèt de "colhas de pastre"... (portèt tanben sas colhas a el, mas èran pas de manjar publicament). Las colhas de pastres, èran un dakòs redond (vos en dobtaviatz), a la mòda pescajon un pauc.
Ne mangi amb la mel de la tanta d'un autre (non, sa tanta èra pas una abelha... pfffffff).
Plan bonas las colhas del pastre.

Un portèt d'akò:
E akò's tras que bon.
Lo Velhardon comença de desplegar delicatament lo papièr.

Lo Ferrero çò melhor es de li kitar lo papièr. Començas d'asagar de'n pertot... Es d'un erotism torrid lo Ferrero.
Enfin, akò se'n fotèm... Enfin non se'n fotèm pas, se i a d'unes plan braves, que me'n vòlon mandar una brustia, serà amb plaser...


Agachi lo Velhardon e li fau:

- Aprèp la colha del pastre, manjas una colha de l'ambassador???





.

dimarts, 26 de desembre del 2006

Lo Secret de la Jefa de Nadal


Lo secret de la jefa

Mela manca tanben de causas, vòl viure sola e contunham de manjar... Ensajatz d'endevinhar çò que confis las caucas. Ont a passat lo nadal, la mela?

dilluns, 18 de desembre del 2006

MELA A COSINAT

Dempuèi lo temps qu'aqueste blòg existís, avètz vist tot plen de causas que se manjan... E d'unes reclaman dempuèi quauques temps mas òbras culinàrias... coma se cosinèsse pas jamai, o pièger, coma se sachèsse pas cosinar...

Alara, vakí, l'autre jorn, faguèri akò:



JÒC-CONCORS: Kezakò k'ai kosinat?



De notar: per festejar lo miracle culinari, i aviá de champ'!
(e d'òmis, mas pas de champòmi...


ok sortissi...
)






diumenge, 17 de desembre del 2006

Seta, Seta, akí Seta (9)

Akeste matin, a 09.45, èri sul parcatge del teatre de la Mar per prene akesta fòto



e tant que i èri....

dissabte, 16 de desembre del 2006

Moment amorós

Amorosa rima amb pegosa.
Ieu soi pegosa.
Soi de longa pegada a MonAmorós, a li faire de potons, a lo tocar, a li faire tot plen de causas.
E una de mas especialitats es de li montar dessús dins lo lièch.
Mas non, monti pas genre cavalcada sauvatja, nooooooooooooooon.
Li monti dessús a mon biais, per li faire un poton, o sonque per li èsser dessús, que de còps que i a ma tòca es pas precisa...
Se planhís pas gaire, mas arriba que sortiguèsse un "Pòdi pas respirar"
(se se planhís pas, es benlèu perque pòt pas respirar... de meditar....)
Doncas l'autre jorn, per me desencusar de li èsser de longa colcada dessús e d'akeste biais, tròbi una excusa, e li disi:

"Soi crosada amb una bosa".



De còps que i a, disi de causas un pauc desplaçadas.... e de còps que i a me trachi que son desplaçadas, e peti de rire!


Èra la frasa del jorn!!!
















divendres, 15 de desembre del 2006

Etnologia setòria (2)

Seta es una vilòta. A los avantatges d'un vilatge, a los inconvenients de la vila.
E recipròcament.

Lo matin, quand vau trabalhar - d'akesta passa amb la Cagona - soi totjorn a la borra. E coma soi a la borra, preni pas lo temps de dejunar. E coma partissi mai tard que çò previst, me mangi los taps.
L'autre matin, arribi al tap del fuòc roge. E te vesi 4 nenetas que donavan un papièr e kikòm als automobilistas.
Espii de mon uèlh aluserpit e curiós.
Donan un creissent al mond!!
TAnben donan un papièr ai dich, mas akò me'n brandi.
Un creissent!
A 7.45 del matin!
Per ieu qu'ai pas dejunat!

JACKPOT.

Alara perque Mila Dieus, te donavan un creissent de matin? Al mièg del tap?

Perque sèm a Seta
e qu'a Seta akò's possible.

Alara perqué es possible?
- Perque i a de taps
- Mas son de taps pichons que fan partida de la vi(l)(d)a e lo mond i son acostumats alara s'enfadan pas jamai.
- Perque i a pas gaire de mond a Seta e lo que manja lo creissent se soven que li donèron un creissent de matin!
- Perque coma i a pas gaire de mond, lo que fa lo còp de publicitat amb sos creissents i perd pas sa moneda!

Ben òc, èra un còp de publicitat!!
Que cresiatz?
Que lo conse de drecha bronzat fasiá una operacion "Un creissent per cadun?"

Vos tocatz pas un pauc lo pisson la nuèch???
(expression del paure paire, atestada endacòm?)


Alara, la publicitat se vesiá sul còs de las nenetas. Non, èran pas nusas, auretz pas d'ereccion uèi amics legeires (enfin, benlèu que n'auretz, mas serà pas ma fauta...), avián de pega-solets de pegats sul front, sul cuol, sul capel...

E de pega-solets d'akela ràdio.

RTS, Radio Thau Seta, es una ràdio que m'agrada pas. E la coneissi è, que mon fraire l'escota de longa! Doncas passan de tecnò, t'asagan tota la region, e parlan ponchut me sembla. De fach, parlan pas gaire. Alara, quand me donèron lo papièr, me diguèri , tè, vas escotar. Perque la publicitat èra per faire escotar l'emission novèla del matin.

Ben mangèri lo creissent e daissèri Brassens cantar dins mon pòste.


Perque ieu soi aital, òu.

dijous, 14 de desembre del 2006

ABCDari. letra J

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.



J


Jocari:

1- Jòc basc.

2- Etimologia: ven de l'occitan: Jòc + Arri!

3- Istòria:
Los Basques t'an mes una còrda a la bala per anar pas la quèrre tròp luènh.
Per far tornar la bala, primièr, la cal faire partir.

Es un boomerang esferic.

dimecres, 13 de desembre del 2006

Ne cal pas gaire per èstre urós....

MonAmorós romega que bolegui fòrça la nuèch. Torni e viri coma un pòrc malaut (akò's una expression de mon paure paire, atestada endacòm?) . Sabi k'akò's pas gaire agradiu.
Alara, per desdramatisar la situacion, li fau
- E òc, as l'impression d'aver un terratremol o un tsunami dins la cambra!
Me respond:
- A non, ai l'impression de dormir amb Baloo...






QCM:
Sembli a Baloo:
1- pels roncaments
2- per la corpuléncia
3- per ma bona umor
4- per la borra ?

dimarts, 12 de desembre del 2006

De meditar

La Pomponeta es mon Socrate a ieu, me fa de maiatica... (cossí se ditz?)
Uèi me fa:


- Dins un Midrash (interpretacion josieva de la Bíblia), dison que darrièr cada erbeta, un àngel es a butar en li disent a l'erbeta "Buta, Creis, Buta".
E tu, i a 30 personas que son a butar, a te cridar "Buta, buta, buta", e te'n brandas.
E compti pas los àngels.



La Pomponeta, l'aimi.

ABCDari. letra I

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.



I


I cal anar:
1-Çò que dison cada matin la Pomponeta e la Marineta a la Melania quand deu prene lo trin e que manca de lo mancar cada jorn.

2
-mimologisme de l'ase.
Lo ser de Nadal, las bèstias se recampan:
Lo gal fa: Lo CRist es nascuuuuuuuuut, Lo Crist es nascuuuuuuuuut
E lo buòu de demandar: Ooooooooooont? Ooooooooooont?
E la cabra respond: A Betelèèèèèèèèm, A Betelèèèèèèèèèm!
E l'ase d'apondre: I cal anar! I cal anar!

dilluns, 11 de desembre del 2006

Preni mon pè amb MonAmorós

De la vida rufa d'una femna sola (2)

Quand soi pas en cò de MonAmorós...


Alara , akò's TRAS QUE BON.
De bon dubrir , de bon calfar, de bon manjar.
Un bemòl: N'I A PAS PRO DINS LO PAKET!!!

dissabte, 9 de desembre del 2006

Alucinacions...

De còps que i a, amb la Jefa, kand se passejam, vesèm de vièchs de'n pertot ....
E quand arribam a l'ostal....

divendres, 8 de desembre del 2006

De la grandor de nòstra conariá

Amb MonAmorós, fisicament, se semblam un pauc: pas gaire grands, e pas gaire magres...

ieu : - pffff, tu dis vraiment que des conneries, lol.
el: - mmmm, oui mais je crois que j'ai enfin trouvé quelqu'un à ma hauteur...
....
....
et à mon poids!!




Ben òc, akò me fa rire!
(ok, ai una excusa, soi amorosa!)

dimecres, 6 de desembre del 2006

La grava sul camin version Ostal: los galets sus la taula...

La Pomponeta bada la nòstra natura mediterranèa.
Quand va a la platja, tòrna amb de que far d'òbras d'art:

dilluns, 4 de desembre del 2006

Quand la Jefa cosina...

Kò son de nems faches per la Jefa...
La Jefa, t'aimi.
Avètz lo drech de pausar de questions sus çò que i a just dabans mon gòt (qu'es plen d'aiga, un còp fa pas puta.... )

Culhièr

Vos sovenètz d'akò?
Fòto de Pomponeta



Fòto meuna

diumenge, 3 de desembre del 2006

L'amorós

Vakí!
Soi tornada!
Vos mankavi?
Avètz subreviscut?
Ieu ai passat una setmana de foliá, que soi amorosa. E ieu, l'amor, akò me rend colha. Enfin encara mai que de costuma, s'akò existís...

Alara mon amorós qu'aurà coma escais sul blòg MonAmorós (òc, ai soscat plan de temps!) es un tip coma cal, es a dire: fa rire!
Auretz doncas d'unas galejadas seunas :))))

Començam???

Akeste matin, ai mal de cap (ben òc, soi una femna). Li demandi a MonAmorós s'a de doliprans, e me ditz que n'a del 1000. Ieu preni pas jamai del 1000 levat quand soi a l'article de la mòrt... Demandi se n'a pas pels enfants, me ditz de òc, mas me ditz que lo pels enfants, me servirà pas.
Conversacion:
- Lo de 300 te farà pas res.
- Si, es leugièr lo mal de cap
- Te farà pas res, pren la mitat d'un de 1000.
- Non, amb lo de 300 n'i aurà pro.
- A pas res de veire!
- A bon? E perqué me farà pas res?
- Perque ES UNA QUESTION DE PES, lo de 300, lo prenes quand fas 20 quilos....


Nota bene per mai tard:
Pas la pena de mercandejar sus las potingas amb un infirmièr.